Груевски: Каков нечовек треба да е некој за вака да ги остварува своите цели?

0
151

Свесно манипулираше со народот… Со семејствата на Мартин Нешковски, Никола Младенов, убиените деца кај Смилковското езеро, со искрените луѓе кои верува на се што слушаа и што им беше сервирано, но и со целата домашна и меѓународна јавност, домашни и странски медиуми и политичари, напиша поранешниот премиер на Република Македонија, Никола Груевски на својот Фејсбук профил откако денеска беше објавена нова (целосна) бомба за случајот „Мартин Нешковски“ на која може да се слушне вистинскиот разговор помеѓу Груевски и екс-министерката Јанкулоска, кој во минатото само дeлyмно беше објавен и изваден од контекст.

Неговата Фејсбук објава ја пренесуваме интегрално:

Монтираниот аудио матерјал за убиството на Мартин Нешковски имаше цел да биде најемотивната „бомба“ чија „експлозија“ требаше да ги извади луѓето на улица, во шатори пред владата и да предизвика насилни протести со многу повредени полицајци, со цел колкуминација на политичката криза која ја создаде.

Во таа криза ја гледаше својата шанса за доаѓање на власт, бидејќи поинаку беше инфериорен и беше и остана неконкурентен политичар надвор од локалното ниво, по речиси сите критериуми.

Ова не е прв ваков случај каде се гледа како манипулирал со снимките и со народот за да не прикаже во најлошо светло. Пред некоја недела се појави целовита снимка на веќе објавена снимка во скратена „Заева“ верзија во која изоставил еден дел каде се гледа како наши високи функционери одбиле поткуп, кој Заев ни во сон не би го одбил.

Народот го измами со купишта вакви фабрикувани матерјали и измами.

Остана доследен само на ветувањето дека ќе ги прифати сите барања на соседите во однос на македонското национално прашање, а за возврат да добие поддршка да владее на ист начин како во што видовме како претходно владеел во Струмица. Но тоа ветување не беше кон народот чие мнозинство не можеше да поверува дека такво нешто е подготвен да направи исто како што многумина неверуваа дека е можно да монтирал снимени разговори за да добие ефект кој го посакува.

Прво монтирани снимки кои создаваат „експлозија од емоции“ кај народот, а потоа по доаѓањето на власт нова измама преку притисок и наредба на судиите да ги прифатат овие монтирани снимки како клучни докази и шокантно и без објаснување како никаде во светот, да не прифатат нивно судско вештачење на нивната целовитост и автентичност.

Целта повторно монструозна и нечовечка: своите политички конкуренти да ги заглави по судови, притвори, затвори и да бидат уништени во секоја смисла. За да владее по неговиот испробан терк „едно евро за вицето“ што подолго.

Баш фашистички монструозно.

Каков нечовек треба да е некој за вака да ги остварува своите цели?

НОВА „БОМБА“: Заев и СДСМ лaжeлe, лeпeлe и мoнтиpaлe пpиcлyшкувaни paзговори за случајот „Мартин Нешковски“