Изреволтираните матуранти денеска го искажаа својот став: „Среде пандемија министерката шири дезинформации и неточни информации“

0
44

Актуелна тема периодов во јавноста е полагањето матура. Таа тема донесе многу несогласувања меѓу министерката за образование, Мила Царовска и матурантите од друга страна.

Денеска, изреволтирани матуранти искочија на протест пред Министерството за образование и наука и го искажаа својот став по повод полагањето на матура во време на пандемија а тоа полагање два предмета наместо четири.

– Имаме јасни барања кои не се измислени, туку се добро осмислени и се резултат на нашите потреби. Како матуранти државните испити да се одржат, но, под услов да имаме само два предмети, од кои првиот предмет да биде мајчин јазик, а вториот изборен предмет. Поденоставно од ова не може да биде, поважно од квантитет е квалитет. Среде пандемија министерката шири дезинформации и неточни информации. Наставата ја бојкотираа 78 проценти од матурантите во земјава. Односот професор-ученик се претвори во закана-жртва, а односот професор-директор се претвори во жртва-закана. Денес имаме две категории на жртви и две категории на закани. Учениците добиваат закани затоа што имаат легитимни барања, а од професорите бараат да им се закануваат на учениците кои бојкотираат. Една поговорка вели: Грешката на докторот завршува под земја, додека грешката на наставникот оди над земја. Доколку продолжите вака оваа земја ќе биде исполнета со грешки повеќе над земја отколку од под земја.” – истакнаа незадоволните матуранти.

Бојкотот на наставата ќе продолжи и утре, а средношколскиот сојуз вели доколку не се исполнат барањата, протестите ќе бидат порадикални.

Над 78% матурантите не ја следат наставата во над 20 градови во земјава.