Макрон: Ги почитувам напорите на Заев и Рама, очекувам да ги посетам во наредниве месеци

0
80

Францускиот претседател Еманеул Макрон на завршната прес-конференција на Европскиот самит во Брисел истакна дека немало едногласност за датумот за преговори за Македонија и Албанија. Имало големо мнозинство, но голем број земји кажале „не“ за Албанија.

Тој поздравувајќи ја храброста на премиерите на Македонија и Албанија, Зоран Заев и Еди Рама најави дека наскоро ќе ги посети двајцата премиери.

– Многу ги почитувам напорите на Еди Рама и на Зоран Заев. Двајцата се многу храбри. Очекувам да ги посетам во наредниве месеци. Тие работат и ние ќе ја завршиме работата. Но, да не се лажеме. Нам ни треба напредок во нашите процеси, па дури тогаш ќе можеме да отпочнеме разговори и со нив, ама не како досега, како што е вообичаено, бидејќи тоа веќе нема смисла, додаде тој.

Според анонимен извор на Елисејската палата, постоело „контрапродуктивна и погрешна стратегија за вршење притисок врз Франција и Холандија, особено за прашањето за проширување на Европската унија со Албанија и Македонија, јави дописникот на МИА од Париз.

– Имаше игра на притисок што се чинеше како несакана и која се состоеше во следново: има такви што имаат стратешка визија за нештата и оние што не, вклучително и оние кои не се подготвени да ги отворат вратите за преговорите, беше речено од Елисејската палата.

Извор: lider.mk