Случајност?! Падна Заев, „падна“ и обвинение за Ременски

0
158

Со падот на Зaев, кој заминува од позицијата премиер, денеска падна и обвинение за Фросина Ременски, пратеник кој стана потрпетседател на парламентот, а беше потпретседателка на СДСМ и технички министер за труд и социјала во преодната Влада за изборите во 2016-та година.

Со падот на Зaев, кој заминува од позицијата премиер, денеска „падна“ и обвинение за Фросина Ременски, пратеник кој стана потпретседател на парламентот во овој мандат, а беше и  потпретседателка на СДСМ и технички министер за труд и социјала во преодната Влада за изборите во 2016-та година.

Обвинителството за организиран криминал и корупција поднесе обвинение за случајот „Меѓународен сојуз“ против пет лица и тоа заменик-претседателката на Меѓународниот Сојуз – Јасна Мандиќ, таткото на Бојан Јовановски – Миле Јовановски, асистентката на Јовановски – Кристина Блажевска, пратеничката Фросина Ременски како и самиот Бојан Јовановски. Обвинителката Вилма Русковска ги товари за делата „Измама“ и „Перење пари“. Миле Јовановски се гони и за неовластено изработување, држење, посредување и тргување со оружје.

Во периодот од 8 јули 2017 година до 13 април 2018 година првообвинетиот како претседател на обвинетата невладина организација, со намера за себе да прибави противправна имотна корист ги искористил документите од правното лице и две оштетени лица – управители на друштва ги довел и одржувал во заблуда. Тој лажно прикажувал дека ќе обезбеди државно неизградено земјиште за изградба на Европски центар за возрасни лица и мобилен сервис, како и субвенции од страна на државата и оштетените вака доведени во заблуда на штета на својот имот му исплатиле преку Македонска авторска агенција износи кои надминуваат значителна вредност и тоа 719.905 евра, односно 233.821 евра во денарска противвредност. Тројца обвинети со умисла му помогнале на првообвинетиот во измамата. Две обвинети лица му ставиле средства на располагање – ги изготвувале договорите, ги подигале уплатените пари и му ги давале на рака на првообвинетиот и со умисла му помагале да ги пушти во оптек иако знаеле дека потекнуваат од кривично дело Измама и Примање награда за противзаконито посредување. Второобвинетата откако првообвинетиот ќе и дадел готовински средства, иако немала никакво легално покритие, ги уплаќала во вид на донација или по основ на позајмица на правните лица поврзани со првообвинетиот. Третообвинетата со својот углед и авторитет го поддржувала првообвинетиот на средбите со оштетените, давајќи му совети и упатства за да оштетените стекнат доверба во наводниот проект и однапред да уплатат одреден износ пари и да ги потпишат договорите – велат од Обвинителството.

Обвинителството го сомничи Миле Јовановски дека тој знаел од каде потекнуваат парите и со умисла му помогнал на неговиот син Бојан Јовановски да ги пушти во оптек, со што ги уплаќал парите на своја девизна сметка, а дел од нив ги уплаќал на правните лица како позајмица.

– Тој ги уплаќал на својата девизна сметка, дел пренесувал на сметките на правните лица по основ на поврат на позајмица, дел ги подигал во готовина и ги уплаќал на правните лица по основ на позајмица, а за сето тоа нема легално покритие. Воедно, петтообвинетиот во својот дом неовластено држел огнено оружје три полуавтоматски пиштоли и муниција – велат од Обвинителството.

Обвителството ќе побара да се продолжи мерката куќен притвор за Јасна Мандиќ.