Фолк пејачката со моќна порака до сите: Алчноста е поголема болест од коронавирусот! (ФОТО)

0
24

Популарната пејачка ужива во својот дом со семејството, и посебно со своето новороденче Јован, а нивната идила ја расипа неочекуваната состојба во светот. Откако е прогласена вонредна состојба во Србија поради глобалната пандемија со коронавирусот, повеќето граѓани се останата во своите домови во самоизолација, а Сека Алексиќ истакнува дека е помеѓу нив и ги повикува сите да го направат истото.

„Да мислиме на здравствените работници кои работат по цел ден и ноќ, спојуваат смени, не идат дома кај своите семејства поради оваа ситуација. Да им помогнеме така што ќе останеме во своите домови и ќе го намалиме ризикот од ширењето на овој непријател, а воедно и да се спасиме себе од истиот! Ве молам сите кои ме следите да го направите тоа што јас го направив – останете дома со своето семејство“, напиша Сека. „Излегувам само доколку е неопходно, баш онака како што ни препорачуваат“.

Таа ги повика своите следбеници да се помолат за сите луѓе кои се соочуваат со овој „непредвидлив непријател“, како и за медицинските работници кои работат „во кој знае какви услови“.

„Ние барем, за разлика од нив, седиме дома со своите семејства и ништо не ни фали… Да мислиме на нив! На сите им праќам молитвени поздрави“, напиша пејачката.

Таа потоа објави и илустрација од интернет со порака до оние кои купуваат на големо и ги празнат рафтовите така што останатите не можат да дојдат до основните животни намирници.

„Алчноста и проклетството се поголема болест од короната“, истакна пејачката.