Според анализата на јавниот став направена од Институтот за политички истражувања во Скопје за потребите на Македонската телевизија, чии резултати беа објавени во емисијата „Објектив“, ВМРО-ДПМНЕ покажува тројна предност пред СДСМ што се однесува на тоа која партија граѓаните ја гледаат како победник на парламентарните избори.
На прашањето: „Која партија сметате дека ќе победи на предстојните избори“?, 30,4% од испитаниците веруваат дека победник на парламентарните избори ќе биде ВМРО-ДПМНЕ, што претставува зголемување од 2% во споредба со февруари, кога 28,3% од испитаниците сметале дека ВМРО-ДПМНЕ ќе победи на изборите.
Овој процент за СДСМ е со тројно помала поддршка, со само 9,8% од учесниците кои ги сметаат за победници на предстојните парламентарни избори. Следат ДУИ со 6,3%, Европскиот сојуз за промени (ЕСП) со 4,2%, Левица со 3,3%, ЗНАМ со 2,9%, и Алијансата за Албанците.
Исто така, што се однесува на прашањето за која партија ќе гласате на предстојните парламентарни избори, ВМРО-ДПМНЕ и понатаму има скоро двојна предност пред СДСМ.
Конкретно, на ова прашање се определиле 22,7% од учесниците за ВМРО-ДПМНЕ, додека за СДСМ се изјасниле само 12,1%. На трето место се наоѓа ДУИ со 6,3%, а потоа следува Европскиот сојуз за промени со 4,4%. За Левица се определиле 3,7% од учесниците, за ЗНАМ 3,2%. Алијансата за Албанците движи околу 2%, додека ниту за една од опциите се изјасниле 14,5% од учесниците. Околу 21% од учесниците не сакале да откријат за која политичка партија ќе гласаат на предстојните парламентарни избори.